12 сакавіка – 14 красавіка 2026
Анлайн-курс для беларусак «Унутраная сіла і ўстойлівасць»
Дарагая сяброўка, дарагая каляжанка! Я ведаю, што ты стамілася. Ты шмат працуеш і стараешся быць прафесіяналкай. Ты клапоцішся пра блізкіх і хочаш, каб ім было добра. Ты стараешся клапаціцца пра сябе, каб быць здаровай, шчаслівай і поўнай энергіі.
Мы робім анлайн-курс пра ўстойлівасць у складаныя часы. У ім мы хочам закрануць тры важныя аспекты ў жыцці кожнай — праца, здароўе і самарэалізацыя. Калі ты адчуваеш, што табе патрэбная падтрымка ў адным або некалькіх аспектах твайго жыцця — гэты курс для цябе.
Што ўключае курс?
- 8 бясплатных анлайн-сустрэч на розныя тэмы: ад пошуку сваіх патрэбаў да фізічнага і ментальнага здароўя.
- 2 структураваныя нетворкінгавыя сесіі, на якіх можна знайсці новых сябровак і каляжанак.
- дадатковыя матэрыялы — відэа, тэксты і простыя заданні.
8
экспертак
4
фасілітатаркі
5
тыдняў навучання
У які час будзе курс?
З 12 сакавіка па 14 красавіка 2026 года (5 тыдняў). Заняткі будуць праходзіць два разы на тыдзень, па будніх днях а 19:00 па Мінску.
Ты зможаш абраць, якія сустрэчы наведваць. І ніякіх «пакаранняў» за пропускі 🙂
Хто праводзіць курс?
Мы — Wonder Women — каманда жанчын, якія хочуць, каб іншыя жанчыны былі класнымі, упэўненымі ў сабе, крэатыўнымі. Каб жанчыны спрабавалі новае, вучыліся і заўважалі, што некаторыя рэчы ў нас не атрымліваюцца не таму, што мы нейкія «не такія», а таму што існуе сістэмная дыскрымінацыя жанчын.
Наша любімае слова — empower. Яго немагчыма коратка перакласці на беларускую мову, але яно вельмі дакладна перадае тое, што мы робім і чаго хочам.
EMPOWER – гэта:
- надзяляць сілай
- даваць голас і магчымасць дзейнічаць
- падтрымліваць
- натхняць
- пашыраць магчымасці
Мы стварылі Wonder Women, каб было месца, дзе можна быць любой. І мы хочам, каб жанчыны адчувалі апору ў сабе і адна ў адной.
Падрабязней пра каманду Wonder Women (націсні тут)
👣 Таня — турыстка, закаханая ў паходы, і каралева маляўнічых сторыс.
🎨 Алеся — візуальная чараўніца і тая, хто ведае ўсе найлепшыя месцы Варшавы.
🛠 Лера — архітэктарка навучання, якая разбярэцца ў чым заўгодна і растлумачыць гэта іншым.
🧮 Алеся — фінансістка з творчай душой, для якой бюджэт — гэта шэдэўр мастацтва.
🧭 Лена — здаровы сэнс каманды. Умее трымаць фокус і дапамагае астатнім «не расплывацца».
💡 Света — генератарка ідэй і натхнення. Для яе няма нічога немагчымага (праверана!).
Тэмы і эксперткі курса
Курс будуецца вакол трох важных аспектаў у жыцці кожнай — праца, здароўе, самарэалізацыя — і іх перасячэнняў.
Мы падрыхтавалі практычныя заняткі на тэмы вызначэння ўласных патрэбаў і пошуку прафесійнай ідэнтычнасці, развіцця кар’еры і ўпэўненасці ў сабе, фізічнага і ментальнага здароўя, менапаўзы, жаночай злосці, бацькоўства і крэатыўнасці ў розных аспектах жыцця.
Даведацца больш пра экспертак курса (націсні тут)
Сярод экспертак:
- Таццяна Дземчук, гештальт-тэрапеўтка, кар’ерны коўч, ex-HR бізнес-партнёрка, вядучая падкаста «Праца-Ваца»,
- Оля Кавальская, актывістка, фандрайзерка, івэнт- і арт-менеджарка,
- Агнія Асановіч, лідарка напрамкаў па развіцці талентаў, стратэгічная фасілітатарка,
і іншыя прафесіяналкі, якія глыбока разбіраюцца ў сваіх тэмах і ўмеюць тлумачыць іх простай мовай.
Як узяць удзел?
Мы запрашаем на курс беларусак любога ўзросту ад 18 год, якія пражываюць у любой краіне.
Запоўні анкету да 10 сакавіка ўключна. Не пазней за 11 сакавіка мы дашлём табе ліст-пацверджанне з запрашэннем на курс.
Важна надаць увагу анкеце. Мы пакідаем за сабой права не рэгістраваць на курс тых, хто даслаў пустыя заяўкі. Не забывай правяраць пошту, каб ліст-пацверджанне не згубіўся ў папцы «Спам».
Удзел бясплатны.